Sjakk matt

Stikkord

finefolk

Når eg vert gammal (Orsak karar – rettelse; når eg vert eldre) skal eg sitte i ein park og spele sjakk, tatle og le med gode vener. Slik som desse!

Sjakk matt?

Reklame

Arne B

Stikkord

finefolk, kvardag

Den fyrste dagen, på vår fyrste tur i downtown Buenos Aires, var den fyrste personen me snakka med ein mann på gata. Han Arne. Frå Sola. Av nestan 3 millionar menneske i Buenos Aires var den fyrste personen me møtte han Arne. Frå Sola.

Eg var faktisk SÅ lite innstilt på å høyre norsk at når han spurte «Er dykk norske?» (Han hadde nemleg sniklytta og fulgt etter oss) så forsto eg ikkje kva han sa. Men når me nå møtte han Arne, frå Sola, på gata, så var det berre ein ting å gjere; bli kjent!

No er me som gode, gamle vener og går under namna Arne B, Tove K og Ragz. (Til tider Tore og Ragnar når Arne treng kompisar og ein pause frå jentesnakket). Her kjem bilder frå nokre av våre mange eventyr i Buenos Aires 🙂

PS jenter. Når Arne kjem til Norge i desember er han mørk, mystisk, spansktalande og tangodansande. Og eit halvår med Ragz og Tove K har sannsynlegvis fått fram mange mjuke sider. Just sayin».

Arne likar å kle seg ut og underhalde:

Til slutt litt bilder frå Dyrehagen óg;

This slideshow requires JavaScript.

Smågleder!

Stikkord

GLEDE, kvardag

Mange kvardagsgleder denne veka!

Ein stk bestått eksamen
brownies,
finfint besøk,
bukett med blomar og
den beste romvenninna som ga meg dei 🙂

…og endå er ikkje veka over. God helg!

Aprobado!

Stikkord

GLEDE, kvardag, påskulen

 

 

 

Idag har me hatt «lekseprøve». Det var det me kalla vår fyrste eksamen sidan faren for at me skulle ta den opp att på tirsdag kjentes ganske stor. Kombinasjonen av deira forkjærleik for detaljerte spørsmål og vår ikkje-fullt-så-detaljerte-spanskkunnskap kunne fort ha ført til ei studiehelg. Men – i staden vert det fri og fryd og gammen til helga! For heile den norske kolonien. Lukke!

Kva er betre enn å feire med ein aldri så liten fotosession ved kjøkkenbordet?

Tovi-Turist #1 Kyrkjegarden i Recoleta

Stikkord

toviturist

Her er mellom anna Evita, tidlegare presidentar i Argentina og dei rike og mektige familiane i Buenos Aires gravlagde. Kistene er ikkje nedgravd i bakken, men befinn seg i kvart sitt vesle hus (=mausoleum) – nokre liknar vakre miniatyrkyrkjer med glassmåleri og forseggjorte ornamenter, andre er gamle og falleferdige. Kyrkjegarden er organisert som ein litan by, med gater innimellom husa, og utan Ragnhild (min personlege GPS) hadde eg gått meg vill 🙂

Fint! Og litt rart.
Eit must å få med seg for Tovi-turist!

Submarino!

Stikkord

typiskargentinsk

I Argentina vert ikkje kakaoen servert heilt ferdig. Den kjem som ein ikeapakke med fleire deler;
Ein kopp med varm melk
+ Ein liten, mørk sjokolade
+ Dypp og rør

= Submmmmmmmmmarino!

Den manglar berre ein ekstra sjokolade som eg kan nyte medan eg «arbeidar» 🙂

This slideshow requires JavaScript.

Mi casa!

Stikkord

kvardag

This gallery contains 8 photos.

Ein smakebit frå heimen min fram til jul! Eige rom, fint rom, stort rom! Finfin pris, alt eg treng er …

Les meir →

Estoy en bolas

Stikkord

påskulen, spansktrøbbel

I timen idag;

Tove Karin: Pleier dykk møte førebudde til kvar time?
Mansilla: Nei, forrige veke sov eg meg gjennom timane, men denne veka følger eg godt med (me har eksamen neste veke). ..Og til forskjell frå deg «no estoy en bolas«*

Tove Karin, som berre har forstått første halvdel av setningen (som skjer ca 50% av tida) nikkar og smilar medan alle argentinerane rundt vil le seg ihjel.

*»Estoy en bolas» = bokstavelig talt «eg er splitter naken».
Òg brukt om å ikkje forstå ein pøkk. Treffande 🙂

Estoy en bolas.

Hola Noruega!

Roser er raude
Fiolar er blå
Druer er søte
Og all mat i Argentina likeså

Etter 6 veker i Argentina har eg mellom anna:

• Pugga usannsynleg mange verbbøyingar
• Blitt frykteleg flink i «teiknspråk» og gestikulering
• Oppretta eit nært forhold til Google Translate
• Tilbrakt meir tid i taxi enn i i løpet av alle mine år i Noreg (og likevel betalt mindre)
• Lært at det nærmast er fornærmande å handhelse på folk – her skal det kyssast!
•  Blitt stoppa av folk på gata som fortel meg at eg må stappe kamera ned i veska viss eg vil ha det med meg heim att..
• Komt til lukka dører på resturantar klokka 19.30 – her et ein middag nærmare kl.22.
• Blitt ledd av når eg hadde banan på skiva
• Lært å halde godt på væska
• Blitt usedvanleg glad den dagen eg fann ein brunost
• Byrja å sakne melkesjokolade, knekkebrød og mor sine komler
• Blitt ein Skypar
• Dansa tango i gata og klatra på statuer i parken
• …funne meg godt til rette og ser fram til eit halvt år i Buenos Aires!

Her kjem små kvardagsberetningar – hyggeleg at du stakk innom!