Jakob!

Stikkord

finefolk, GLEDE, småskattar

Når mi kjæraste Ragnhild vart mamma inviterte eg (sjølutnemnde tante Tovi) til familiefotografering. Det var både min og deira fyrste fotoshoot, men det nydelege motivet gjorde opp for det som mangla av evner&erfaring.

Kva syns dykk? Er dei ikkje ein nydeleg familie, vel?
Velkommen til verda, vesle Jakob!

Reklame

Forelska?

Stikkord

finefolk, småskattar

Folkens, eg har møtt ein gutt.

På UL.
Kjekkaste gutten eg har møtt på lenge.
By far.

Alltid eit smil.
Flink å lytte.
Frykteleg sjarmerande.
Velkledd.
Eg er nokså sikker på at han er musikalsk.
Litt lite hår kanskje.. men jenter fell jo for guttar som liknar på far?

I yngste laget, men eg har falt pladask.
Det er med glede eg presenterer dykk for den kulaste UL-deltakaren i historien;

EDIN!

Pappen var på sitt 16.UL i år. Eg trur Edin har potensiale for å sette ny rekord!

PS. Publisert med tillatelse frå fru Måseide 🙂

#Påska 2012#

Stikkord

finefolk, påske, småskattar, utpåtur!

Rennesøy. Heim, kjære heim.
Når det regnar horisontalt inn nøkkelholet og sjølv ikkje full hyre kan halde regnet og vinden ute tenkjer eg at det er fint at eg stort sett bur i Oslo.

Men når sola skin og eg rusler ein (frisk! – me er tross alt framleis på Rennesøy) tur til ”Pilå” med den gode naboen, har tidenes beste ettermiddag i naustveggen med Elisabeth eller leikar med mine søte små – då fins ingen stad eg kan ha det betre.

Med andre ord; påska var fiiiin!

Seier du ”påske” til ein bonde på Rennesøy, svarar han ”lam”. Eventuelt ”Jesus”.. Her er rom for både Guds lam og andre lam 🙂 Eg foreviga i alle fall babyboomen i sauhuset medan Elisabeth var bonde. Finare påskemotiv kunne eg ikkje ynskt meg!

Deilig da!

Stikkord

finefolk, takknemlig

«Den beste tida er den du deler med andre»

Ein perfekt fredag? Tilbring den med desse fine folka!
Is, sushi, balkong, solnedgang, innviing av hengekøya, The Voice, sjokoladefondue – deilig da*! 😉

*sitat Mr.Gledesspredar i eigen person; Trygve.

Slik går det når me skal ta gruppebilete med ein liiitt for kortvarig sjølvutløysar på. Bordet veltar nestan, eg hyler, Elin ler og Henriette viser ikkje. Betre lukke neste gong 🙂

Frognerfrøken

Stikkord

finefolk, takknemlig, utpåtur!

Plutseleg vart det berre slik – frihelga mi tok plass i Frognerparken. Nydeleg kveldstur med Katrine på fredag, tante Tovi på leikeplassen på laurdag og til slutt frøys&fryda eg meg gjennom årets fyrste grilling på sundag!

Fint ver, fin park, fint selskap – FIN HELG!

Laurdagslukke

Stikkord

finefolk, GLEDE

Midt i den travle hovudgata med så mange folk og bilar at ein blir ør, kan ein gå inn det vesle smuget og plutseleg viser det seg at det fins ei heil lita bortgøymd verd inni der, med bruer og stiar, tre og blommar, restaurantar og teater, Beatlesmuseum og krimskramsbutikkar – Buenos Aires er full av overraskelsar og eg elskar det!

God mat og godt selskap! Sur servitrise, men me smilte. Mediomal musikk, men Andreas & Synva dansa likevel. Altfor søt drink, altfor bitter drink,  me blanda alle saman og då vart det ikkje så verst. Smil og latter og øyreproppar til Andreas dersom det skulle bli for mykje kakling. Kva meir kan ein ynskje seg?

Laurdagslukke.
Takk for fin kveld!

®agnhild!

Stikkord

finefolk

Eg har fått meg ei kone. Strengt tatt er ho Sigurd si kone, men han er jo ikkje her, og det er eg, og me har vore ilag kvar dag dei siste 105 dagane, så eg vil nestan sei at eg har fått meg kone.

Som koner flest treng ho kjærleik og oppmerksomheit. Helst i form av eit blogginnlegg. Så, mine damer og herrer, det er ei glede å presentere;

Ragnhild,
som heiter Marie i Buenos Aires, fordi ingen klarar å uttale namnet hennar.

Ragnhild,
som har med seg nok knekkebrød til å forsyne ein liten armé.

Ragnhild,
som kjem heim med Starbucks-frappuccino til meg.(BLESS YOU!)

Ragnhild,
som alltid må vente på meg på andre sida av vegen fordi ho spring framfor bilane, medan eg ropar oppgitt (og litt konete-slæsh-moderleg, mistenkar eg) etter ho.

Ragnhild,
som alltid har med seg ekstra myntar, serviettar, kjeks, handsprit, lypsyl etc. i tilfelle eg skulle mangle noko.

Ragnhild,
som må hente ei ekstra jakke dersom eg har valgt å kle meg meir enn ho ein morgon, jamvel om me begge veit at eg er ein frostmakk og ho (nestan) er like varm som ei kvinne i overgangsalderen.

Ragnhild,
som lagar verdens beste fruktsalat og eplekake.

Ragnhild,
som elskar å synge og å dusje – helst begge deler samtidig.

Ragnhild,
som ringar Sigurd og fortel at no har me haika med tO framande – han vil vel ikkje sponse ein leigebil??

Ragnhild,
som vert invitert på date når ho går på super’n.

Ragnhild,
som er ein av få som går rikare ut av eit kasino.

RAGNHILD,
som nett vart 24 år og som var vel verd ei feiring!

 

 

This slideshow requires JavaScript.

Busted!

Stikkord

finefolk, kvardag

Så står eg der, i billettkontrollen, og prøver å sjå så uskyldig ut som eg berre kan. Forklarer at eg kjøper tur/retur-billett kvar dag, men i dag må eg ha mista den i løpet av dagen. Har tatt fram 100-lappen og veit at dei ikkje er så glad i såkalla «store lappar», kanskje slepp eg unna berre fordi dei ikkje kan veksle.

Så kjem han. Og gir sin billett. For meg. Prinsen ridande på ein kvitløk, som Ragnhild ville sagt. (Hest, løk, caballo, cebolla, poteito, potato).

Det er deilig å vere norsk i Argentina!

PS. Han hasta videre før eg verken rakk å seie takk eller invitere på kaffi. Så eg har framleis føtene godt planta på jorda, med begge skoa på.

Sjakk matt

Stikkord

finefolk

Når eg vert gammal (Orsak karar – rettelse; når eg vert eldre) skal eg sitte i ein park og spele sjakk, tatle og le med gode vener. Slik som desse!

Sjakk matt?

Arne B

Stikkord

finefolk, kvardag

Den fyrste dagen, på vår fyrste tur i downtown Buenos Aires, var den fyrste personen me snakka med ein mann på gata. Han Arne. Frå Sola. Av nestan 3 millionar menneske i Buenos Aires var den fyrste personen me møtte han Arne. Frå Sola.

Eg var faktisk SÅ lite innstilt på å høyre norsk at når han spurte «Er dykk norske?» (Han hadde nemleg sniklytta og fulgt etter oss) så forsto eg ikkje kva han sa. Men når me nå møtte han Arne, frå Sola, på gata, så var det berre ein ting å gjere; bli kjent!

No er me som gode, gamle vener og går under namna Arne B, Tove K og Ragz. (Til tider Tore og Ragnar når Arne treng kompisar og ein pause frå jentesnakket). Her kjem bilder frå nokre av våre mange eventyr i Buenos Aires 🙂

PS jenter. Når Arne kjem til Norge i desember er han mørk, mystisk, spansktalande og tangodansande. Og eit halvår med Ragz og Tove K har sannsynlegvis fått fram mange mjuke sider. Just sayin».

Arne likar å kle seg ut og underhalde:

Til slutt litt bilder frå Dyrehagen óg;

This slideshow requires JavaScript.